10 Sentyabr, 2020
İdlibdə “Cəbhatan-Nusra”ya aviazərbələr endirilib, 11 qruplaşma üzvü zərərsizləşdirilib

Suriya Ordusu İdlib əyalətində əl-Qaidənin Suriya üzrə sabiq qanadı “Cəbhatan-Nusra”ya şiddətli hava zərbələri endirib.

Ahlibeyt.az-ın məlumatına görə, Salamnews Suriya mətbuatına istinadla xəbər verir ki, hava zərbələri İdlib şəhərinin qərb nahiyəsinə endirilib.

Bu hava zərbələri “Cəbhatan-Nusra”nın (digər adı Heyət Təhrir-Şam) bir qərargahı və toplantısını hədəfə alıb.

Hava zərbələri nəticəsində “Cəbhatan-Nusra”nın komandirləri və fəal üzvlərindən 11-nin zərərsizləşdirildiyi qeyd edilib.

Qeyd edək ki, cari ilin martında Rusiya və Türkiyənin vasitəçiliyi və anlaşmasından sonra bölgədə atəşkəs elan edilib.


Bütün hüquqlar qorunur  ©  Əhlibeyt

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-10336.html