Pakistanın Bəluçistan əyalətinin Kvetta şəhərində Ələmdar xiyabanında “Terrora son” tələbi ilə oturaq aksiya keçirilir.
Ahlibeyt.az-ın Maide.az-a istinadən məlumatına görə, aksiya son günlər Kvetta şəhərində daha iki Əhli-beyt (ə) tərəfdarının öldürülməsindən sonra başlayıb.
Şəhərdə yaşayan şiələr Əhli-beyt (ə) ardıcıllarına qarşı törədilən terrorun dayandırılmasını və bu cinayətləri törədən şəxslərin cəzalandırılmasını hökumətdən tələb edir.
Qeyd edək ki, bazar günü təkfirçi terror qruplaşma üzvləri Qədəharlılar bazarında Nəzar Hüseyn və Gül Hüseyn adlı iki şiəni odlu silahla şəhid edib.
Xatırladaq ki, son aylar ərzində Kvetta şəhərində şiələrə qarşı bu cür silahlı hücumlar geniş vüsət alıb.