Təxribatçıların bəziləri həbs edilib
Ahlibeyt.az-ın İran medisına istinadən məlumatına görə, bu barədə İranın Təhlükəsizlik Nazirliyi (Ettelaat) məlumat yayaraq bildirib.
Məlumatda qeyd olunub ki, dinc etiraz aksiyaları iğtişaşlarla nəticələnib:
Ölkə vətəndaşlarına çoxlu ziyanlar dəyib. Təhlükəsizlik Nazirliyi tərəfindən son hadisələrin təxribatçılar və iğtişaşçılardan bəziləri müəyyən edilərək həbs olunub. Ölkədə sabitliyin pozzulmasına yönəlmiş digər təhrikedici ünsürlərin müəyyən olunması istiqamətində işlər davam edir. Tezliklə onlara qarşı ciddi addımlar atılacaq.
Qeyd edək ki, İran prezidenti Həsən Ruhani bu ölkənin Şura Məclisinin xüsusi komissiya sədrləri ilə keçirdiyi birgə iclasda çıxışında ölkədə baş verən olaylara görə ABŞ və İsraili ittiham edib.
Xatırladaq ki, dekabrın 28-dən İran paytaxtı da daxil olmaqla Məşhəd, Kirmanşah, Həmədan, Qum, İsfahan, Rəşt və digər şəhərlərində etiraz aksiyaları başlayıb.