“Həzrət Musa (ə)” film-serialının çəkilişləri gələn ilin ikinci yarısında, serialın çəkilişi üçün büdcə hazır olduqdan sonra başlanılacaq.
Ahlibeyt.az-ın maide.az-a istinadən verdiyi xəbərə görə, bunu tanınmış iranlı rejissor və Həzrət Musa (ə) peyğəmbər haqqında ekranlaşacaq serialın rəhbəri Camal Şurcə deyib.
C.Şurcə deyib ki, hazırda serialdakı aktyorların qrimi ilə bağlı 3 nəfərlə danışıqlar aparmışıq və hələlik müqavilə imzalanmayıb. "İran Dövlət Televiziyası ilə danışıqlar aparılır və söz verilib ki, serialın çəkilişi üçün büdcə ayrılsın”.
Onun sözlərinə görə "Həzrət Musa (ə)” haqqında çəkiləcək serialın çəkiliş prosesi 4 il çəkəcək. Layihə çərçivəsində eyni zamanda Həzrət Musa (ə) haqqında həm bir sinema filmi çəkiləcək və həm də 55 seriadan ibarət serial. Serial və filmdəki aktyorlar və ssenari isə fərqli olacaq”.
Qeyd edək ki, İranda yeni il martın 21-də dəyişir.