19 Sentyabr, 2016
Həcc ziyarətində olan azərbaycanlı zəvvarlar bu gündən Vətənə dönməyə başlayır

Həcc ziyarətində olan azərbaycanlı zəvvarların ilk qrupu bu gün geri dönür.

 

Ahlibeyt.az-ın verdiyi xəbərə görə,bu barədə  Qafqaz Müsəlmanları İdarəsinin Həcc missiyasından Apa-ya məlumat verilib.

 

Zəvvarları gətirəcək ilk təyyarə reysi bu gün günorta saatlarında Mədinədən havaya qalxacaq.

 

Bu gün zəvvarları gətirəcək daha bir təyyarə reysinin yerinə yetirilməsi nəzərdə tutulub. Digər reyslər isə sabah və növbəti günə planlaşdırılır.

 

Qeyd edək ki, bu il sentyabrın 2-dən azərbaycanlı zəvvarların Həccə səfəri başlayıb. Bu il ilk dəfə olaraq azərbaycanlı zəvvarlar Həccə yalnız biometrik pasportla gediblər. Bu il Azərbaycandan gedən zəvvarlar üçün say limiti ötən ilkindən az - 1500 nəfər müəyyənləşsə də, sonradan bu rəqəm daha da azaldılaraq 1040-a endirilib, daha sonra isə 1050-ə qaldırılıb. Ziyarət zamanı daha yaxşı şəraitli hotellərdə qalmaq, bahalı yeməklərlə təminat, o cümlədən hotellərdə 4 nəfərlik otaqlarda yerləşmək 4500 dollar, nisbətən ucuz şəraitli, 6 nəfərlik otaqlarda qalmaq isə 3500 dollardır. Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub.

 

Ötən il Həcc ziyarəti kütləvi insan ölümü ilə nəticələnən hadisələrin baş verməsi ilə də yadda qalıb.

 

Bildirək ki,Azərbaycanda Həcc ziyarətinə sənəd qəbulunu yalnız QMİ aparır.


Bütün hüquqlar qorunur  ©  Ahlibeyt.az

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-5695.html