7 İyun, 2016
İraqın baş naziri: “Əl-Fəlluca şəhərinin İŞİD-dən azad edilmə əməliyyatı başa çatmaq üzrədir"

"Əl-Fəlluca şəhərinin İŞİD-dən azad edilməsi üzrə əməliyyat tezliklə başa çatacaq.

Ahlibeyt.az-ın Apa-ya istinadən verdiyi məlumata görə,  bunu İraqın baş naziri Heydər Əl-Abadi bəyan edib.

İraq xalqını Ramazan ayının başlaması münasibəti ilə təbrik edən baş nazir qələbənin yaxın olduğunu bildirib: “Bu il İraq ərazisi bütün terrorçu qruplaşmalardan təmizlənəcək. əl-Falucanın İŞİD silahlılarından azad edilməsi üzrə əməliyyat isə başa çatmaq üzrədir”.

Mayın 23-də İraq Silahlı Qüvvələri əl-Faluca şəhərini İŞİD terror qruplaşmasından azad etmək üçün genişmiqyaslı əməliyyata başlayıb. Qeyd edək ki, Əl-Anbar əyalətinin ən iri Əl-Faluca şəhəri 2014-cü ilin əvvəlindən İŞİD silahlılarının nəzarətindədir.

 

Bütün hüquqlar qorunur  ©  Əhlibeyt

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-5237.html