Qambiya hökuməti bəyanat yayaraq elan edib ki, dövlət qulluqçuları iş saatlarında hicablı olmalıdırlar.

Ahlibeyt.az-ın Maide.az-a istinadla xəbər verir ki, dövlət qulluqçularının idarəetmə ofisi ölkədəki bütün dövlət qurumları və təşkilatlarına göstəriş verib ki, iş saatlarında qadın işçilərin hamısı hicablı olmalıdırlar.

Qeyd edək ki, Qambiya Prezidenti Yəhya Camme dekabrda ölkəsini İslam Respublikası elan edib. “Qambiya – İslam dövlətidir”, Y.Cammenin bəyanatında deyilir. Bununla belə o vurğulayıb ki, ölkə vətəndaşları istədikləri dinə etiqad edə bilərlər.

1965-ci ilədək Böyük Britaniyanın müstəmləkəsi olan Qambiyada əhalinin 90% müsəlmandır.