Rusiyada fəaliyyəti qadağan edilən “əl-Qaidə” beynəlxalq terror təşkilatının rəhbəri Ayman əz-Zəvahiri müsəlmanları Rusiya və Qərb tərəfindən Suriya və İraqda yaradılmış “təhlükə”yə qarşı durmaq üçün birləşməyə çağırıb
Ahlibeyt.az-ın Salamnews-a istinadən verdiyi xəbərə görə,bu barədə RiaNovosti məlumat yayıb.
İnternetdə yerləşdirilən müraciətində əz-Zəvahiri bildirir: “ABŞ-lılar, rusiyalılar, iranlılar, ələvilər və "Hizbullah" bizə qarşı müharibələrini əlaqələndirirlər, yəni biz öz aramızda mübarizəyə son qoya və fəaliyyətimizi onlara qarşı yönəldə bilmərikmi?”
Bu videonun nə vaxt yazıldığı məlum deyil, lakin Rusiyanın adının çəkilməsi onun sentyabrın 30-dan sonra çəkildiyi anlamına gəlir (Rusiya Hərbi-Kosmik Qüvvələri məhz həmin tarixdə Suriya prezidenti Bəşər Əsədin xahişi ilə bu ölkədə terrorçuların məhvi üzrə əməliyyata başlayıb).