Hələb vilayətini terrorçulardan azad etmək məqsədilə Suriya İran və Rusiyanın dəstəyi ilə geniş miqyaslı əməliyyatlara başlayacaq

Ahlibeyt.az-ın verdiyi xəbərə görə,İslamazeri.az-ın “Sputniknews”-a istinadən məlumatında bildirilir ki,Suriya ordusu İran və Rusiyanın dəstəyi ilə Hələb vilayətində genişmiqyaslı quru əməliyyatlarına başlayacaq.

Bu barədə məlumatı “Reuters” agentliyinə Hələbdə olan ordu nümayəndəsinin verdiyi bildirilir.

Məlumatda qeyd edilir ki, Hələb vilayətində Suriya ordusu güclü hazırlıq görür. "Hizbullah" döyüşçülərini ilə yanaşı minlərlə İran hərbçisi də bölgəyə daxil olub. Suriya hökumətinə yaxın olan digər bir mənbə xəbər verir ki, Hələb vilayətində başlanacaq genişmiqyaslı quru əməliyyatı barədə artıq qərar verilib.

Bu məqsədlə artıq gizli olmayan məlumata əsasən, minlərlə İran əskəri döyüşlərdə mühüm işləri öz öhdələrinə götürüblər. Bundan əlavə Rusiya Hərbi kosmik Qüvvələri İŞİD və digər terrorçulara ağır zərbə endirdiyi bildirilir. Bu səbəblə terrorçuların silah-sursat təchizatı zəifləyib. Canlı qüvvələri isə döyüş bölgələrindən qaçırlar.