Səlahəddin vilayətində “Həşd Şabi” və ordu neft kəmərinə nəzarəti ələ keçirib
Ahlibeyt.az-ın məlumatına görə, İslamazeri.az-ın “SANA”-ya istinadən veridiy xəbərdə bildirilir ki, İraq ordusu və “Həşd Şabi” döyüşçüləri Səlahəddin vilayətinin Tikrit şəhərinin cənubunda yerləşən və strateji əhəmiyyətə malik olan Əl-Layn neft kəmərinə nəzarəti ələ almağa nail olublar.
Şiddətli döyüşlər zamanı 26 "İŞİD" terrorçusu məhv edilib. Bundan əlavə 3 ədəd partlayıcı qurğu quraşdırılan avtomobil məhv edilib, 30 partlayıcı qurğu isə zərərsizləşdirilib. İraq ordusu hərbi aviasiyanın dəstəyi ilə Bağdadın cənubunda yerləşən Ərəb Cəbur və Əs-Səfiyə raoynlarında anti-terror əməliyyatlarına başlayıb.
Ənbar vilayətində İraq ordusu və “Həşd Şabi” döyüşçüləri Ramadi şəhərinin mühasirəsini daraltmağa davam edir. Ramadi şəhərində gedən döyüşlərdən video görüntü.