Kanadanın Kvebek əyalətində yerləşən Hantinqton şəhərinin meri Stefan Jendron istefa verib. O bu addımı meriya üzvlərinin şəhər müsəlmanları üçün ibadət ocaqlarının tikintisinə qarşı olduqlarına görə atıb. Jurnalistlərə müsahibə verən Stefan Jendron, bundan sonrada şəhərdə İslam mərkəzinin tikintisi üçün mübarizə aparacağını söyləyib. Jendron ölkə vətəndaşlarının sülh içində yaşaması və dinlərarası münasibətlərin bərkidilməsi üçün bu layihənin reallaşdırmasının vacib olduğunu bildirib.