İraqın qərbində ABŞ-ın rəhbərlik etdiyi koalisiya qüvvələrinin yerləşdiyi hərbi bazaya 10 raket atılıb.

Ahlibeyt.az-ın məlumatına görə, APA-nın “Associated Press”ə istinadən verdiyi xəbərə əsasən, bu barədə koalisiyanın mətbuat katibi, polkovnik Vayne Marotto bildirib.

Raketlər səhər saatlarında Ənbar vilayətindəki “Ain əl-Əsəd” aviabazasına düşüb. İtkilərin olub-olmadığı hələlik məlum deyil.

Bu, ABŞ-ın ötən həftə İraq-Suriya sərhədi boyunca İrana bağlı hədəfləri vurmasından sonra ilk hücumdur.